Hvaða staður á Íslandi á sérstakan stað í hjarta þínu? Heimabærinn, sumarbústaðurinn, fossinn þar sem þið trúlofuðust eða fjörðurinn hennar ömmu? Íslandsmynd er mynd af þeim stað, í hlýjum vatnslitastíl, með nafni staðarins og þinni eigin línu undir. Tilbúin á vegginn.
Staðirnir sem þið nefnduð
Þegar við spurðum í gjafaleiknum okkar hvaða staður ætti að vera á næsta dagatali, svöruðu tæplega níutíu manns. Hellisgerði, Ásbyrgi, Seyðisfjörður, Akureyri, Rauðisandur og Grímsey voru nefnd oftast, og þau eru öll komin á Íslandsmynd.
Línan gerir hana að þinni
Gullfoss með „Brúðkaupsferðin 2025“ verður minning um ferðina. Vestmannaeyjar með „Hvergi betra en heima“ verður gjöf til þeirra sem fluttu burt. Akureyri með nafni ömmu og afa verður myndin sem allir þekkja í stofunni.
Rétt, ekki bara fallegt
Fólk þekkir staðina sína og sér strax ef fjallið er vitlaust. Þess vegna berum við hvern stað saman við raunveruleikann og lögum það sem er rangt. Kirkjufell er gott dæmi: toppurinn hallar til hægri og bergsyllurnar eru láréttar, og þannig á það að vera á myndinni.
Tveir eða þrír saman
Allar myndirnar eru í sama stíl, svo þær passa saman. Það er fallegt að velja tvo eða þrjá staði og hengja þá upp saman, til dæmis staðinn sem þú ert frá og staðinn sem þú býrð á núna.
Svona býrðu hana til
Þú velur staðinn, uppsetninguna, letrið á nafninu og litina, og skrifar þína eigin línu. Myndin er prentuð á Íslandi eftir pöntun, frá 30 × 40 cm upp í 50 × 70 cm.
Finnurðu ekki staðinn þinn? Sendu okkur línu, við bætum við stöðum jafnt og þétt.
